"Bosson" MMC şirkəti "Mosbuild 2019" sərgisində Azərbaycanı layiqincə təmsil edib
"Bosson" MMC 2-5 Aprel tarixlərində "MosBuild-2019" sərgisində və ixrac missiyasında iştirak edib. İxrac missiyaları yeni bazarlara çıxış imkanlarını aşkar etmək, mövcud bazarlarda yerli məhsulların mövqeyini möhkəmlətmək və bu bazarlara yeni məhsullar təqdim etmək məqsədi ilə təşkil olunan dəstək tədbiridir. İxrac missiyalarından biri də “Mosbuild 2019” sərgisidir. Sərgidə Azərbaycan məhsulları da nümayiş olunub və tikinti şirkətləri bir neçə ölkəyə məhsul ixracı ilə bağlı razılıq əldə ediblər. İqtisadiyyat Nazirliyinin dəstəyi, Azərbaycanda İxracın və İnvestisiyaların Təşviqi Fondunun (AZPROMO) təşkilatçılığı ilə tikinti və inşaat materialları istehsalı ilə məşğul olan 10 Azərbaycan şirkəti öz məhsullarını “Made in Azerbaijan” vahid ölkə stendində təqdim edib. Sərgi çərçivəsində Azərbaycan məhsullarının ixracına dair müzakirələr aparılıb. Şirkətimiz “BOSSON” MMC sözü gedən sərgidə yüksək səviyyədə iştirak etmiş və Rusiya, Qazaxıstan, Tacikistan, Özbəkistan, Ukrayna, Belarus, Misir, Gürcüstan və Çindən olan şirkətlərlə danışıqlar aparmışdır. Öz istehsalımız olan mozaika məhsulları sərgidə özünəməxsus marağa səbəb olmuşdur.
